Provincial Jail

Ang gintunaan sang akon pagkapreso
May-ara pamuno, pamatay sang tawo
May ara hold-uper, kawatan sang bangko
May ara man smuggler, kontra sang gobyerno

Masakit matuod ang dili angayan
(Iloilo) probinsyal jail ang akon ginsudlan
Pader nga galibot sa gilid nagtimbang
Rehas nga salsalon ang amon pwertahan

Alas syete impunto kami ay nagpila
Kadto sa kitchen magkuha panyaga
Bugas nga NGA wala pa pilii
Bangod sa kitchen boy matamad magkuti

Ang amon nga sud-an kinulot nga langka
Tinuktok nga tangkong bisan asin wala
Samtang naga-kaon, gatulo ang luha

Sabado, Dominggo wala kami obra
Kami nagahulat sang amon bisita
Maayo sing-ini mga may asawa
Kay may magadul-ong sang pagkaon nila

Ang makaluluoy kami nga soltero
Nagasulusandig sa pader nga bato
Umabot na gani ang mga amigo
Dayon kulukadlaw pepti sigarilyo

Lunes sang aga kami ang gin-bista
Kasa sa gobyerno ang amon padulong
Umabot na gani ang senyor tag-hukom
Dayon tumilindog, tuhod tumalambong

Sang mabasa na ang among asunto
Dyes-Disisyete ang akon sentensiya
Kun ano ka pait tulumbon sang mata
Daw ano ka pait ang akon sentensiya

Kamong mga amigo nga ara sa sagwa
Dili magbuhat sang mortal nga sala
Amo kami nahuya natabo sa kuta
Sa dugay nga tuig wala makaguwa.